Congress-i tamakok anguba sülen Rahul-i party nung temelenshi aginür

New Delhi, March 14 (Agencies) : Mongulbarnü Congress tatong tir Rahul Gandhi-i Uttar Pradesh o Uttarakhand Elections nung par teloki tamakok anguba agizükogo aser party sasep nung temelenshi kar asütsü shiogo.
“Onok opposition nung lir. Khenkhen tajung tamajung ajurur aser UP nung onok jenjang luogo. Iba tamakok onoki agizüker. Onoki tangatetba nung BJP den rarar aser maneni raratsü” ta Rahul-i ashi.
“State pungu nung elections agiba nung BJP-i ana nung takok angu aser onoki asem nung akok. State ana nung onoki takok angu saka BJP-i sen tashi ajanga democracy alema mapa inyak” ta paisa ashi.