Dmr nung Digital Banking sentong kaogo

Dimapur, March 15 (TYO): Tanü, March 15, 2017 nü Don Bosco Higher Secondary School, Dimapur nung Digital Banking Awareness programme ka kaogo.
Iba sentong nung jembidang SDO (C) Dimapur, James Swu-i, Digital Banking Awareness ya January 7, 2017 nü tenzük ta metetdaktsü.
Digital Banking ya tongtibang aser banking temelaba kümdaktsür, ta shia pai department balala dang, public tenzükba department ka ama digital banking amshitsüla aser nüburtem yaritsüla, ta ajungshi.
Chief Manager Dimapur Bosco-i tesentepertem pelaa agizük aser AGM L. Thangboi lenisüba nung iba sentong agi. Iba dak alia L. Singsit-i Power point presentation agutsü.
Iba sentong nung department balala, school aser college balala aser shishilembar teloktem dena liasü.