Tanela agi sünga aliba

“Aser yi koba nung teraratsü lir aji agi temesep ma, saka Tanela agi sünga liang. ” Efesa. 5: 18
Ghari nung kodang totzü sünga shiokdir temulung lemlema bilemer aser teratatsü malir. Teyiprong nung tebilemtsü adoka ghari atemloker aotsüsa adok yonga kecha tatidaktsü mali.
Yamaji Tanela agi sünga aliba nungji asen mulung nung tepela aser tesünep alir aser ibajagi asen mulung nung tasütait tanela kadaktsür.
Tenyar mapa kaket nung, Pentecost mapang tamangertem dangi Tanela Temeshi alu aser iba tekongshibaji tulu liasü. Karibo tamangertemji yi lanu agi mesep ta bilem (T. Mapa 2: 12). Tanela tekongshibaji gari engine mezüng atemlokdang mi adoka tsüklokba ama Temeshi Tanela agi kongshibaji iba amaji lir. Saka ghari engine mezüng nung mi adoka atemlokba sülenbo iba tashi jagi ghariji atsür aoer. Yamaji asen mulung nung Temeshi Tanela kodang tsükloker iba sülenbo Tanela tashi ain jagi asen takümji anir. Asenoki Tsüngrem tenüng sangdi kechiyong Pa Tanela-i asenok den teti mapa inyaker. Tanela agi sünga aliba taküm nung teti pai len aniba teti meteter, aser pai mulungba nung jaa aliba ama teti alitsü meranger.
Sarasadem
Kibuba Yisü, Ne Temeshi Tanela kü dangi aru nung ne tenüng asanger. Na kü taküm nung lenisuba tulutiba lir. Amen.