Robbie Williams-i YouTube nung ken kar sayatsü

Los Angeles, March 18 (Agencies) : Kentener aser kenzülur Robbie Williams-i pa sapurtem jangradaktsütsü asoshi pa indang kensep tesüsabuba tanabuba version YouTube nug sayatsü sentong lir.
Osang ajanga ashiba agi, arishi küm 43 tain kentener, Robbie-i pa ken angar züindaktsütsü tebilemba nung pa indang kensep ‘The Heavy Entertainment nung aliba kentem ka khen ka khen ta YouTube nung sayatsü, ta osangbenertemi ashi.
“Robbie item kentem menüngoka lir aser joko YouTube nung sayatsü ajak renema lir.
The Heavy Entertainment Show kensep nung aliba kentem dak alaka ano pa ket nung ken tajung jenti lir,” ta osang kar ajanga metetdaktsü.
Pai item ken YouTube nung sayaba ajanga pa ken sapur tali akümtsü, ta iba osang ajanga ashi.
“Pa sapurtem pa ken kanga yongaa atatepa aliba mapang ka nung pai parnok jangradaktsütsü asoshi iba mapa inyaktsü mulungtet,” ta osang ajangasa ashi.