France Tir election nung nisung 11 tokteptsü

PARIS, March 18 (Agecies) : France Tir election nung tokteptsü asoshi nisung 11 nem temelaba agütsüogo, ta Honibarnü linük Constitutional Council-i metetdaktsü.
France nung Tir election agitsü ano ita ka lir.
Item candidate 11 prongi April 23, 2017 nü election mezüng shilem nung shilem agitsü asoshi nüngdaka aliba mayor tem indang sign 500 dak tema nguogo, ta council Tir Laurent Fabius-i ashi.
Candidate katia tanga tetoktepertem dang alia takok angutsü imla maliba election mezüng shilem nung vote timba nguteter ana May 07, 2017 nü election shilem tanabuba nung tokteptsü.
Hombar nikongdang tongtibang candidate pungui olangtep sentong asem rongnung mezüngbuba nung tokteptsü.
Par punguji: far-right lenir Marine Le Pen, centrist candidate Emmanuel Macron, Republicans nominee Francois Fillon, Socialist Party nungi Benoit Hamon aser Communist party-i yaria yoksang Jean-Luc Melenchon nunger lir.
Anünga aliba candidate trok, aser shingaia parnoki shilem 5-a metongtettsü ta bilema aliba tetoktepertem rongnung Trotsky economy tesayur ka aser anti-America nationalist ka ta densema lir.