Mkg nung HUDCO kübok lokti metsümeshidak pezü lapoktsü

Mokokchung, March 18 (TYO): March 18, 2017 nü Housing and Urban Development Corporation Limited (HUDCO) kübok Mokokchung Municipal Council (MMC)-i yaritepa Mokokchung nung tesem pezü nung lokti metsümeshidak lapoktsüogo.
Iba sentong nung tongti tesemdangerji District Chairman, Swachh Bharat Mission (SBM) Mokokchung, M. Bendangnukshi Longkumer liasü aser sentong nungsa Regional Chief, HUDCO, L.M Yanthan aser ADC & Administrator MMC, Bendanglila nata aden.
HUDCO Corporate Social Responsibility (CSR)-i senotsü agüja lokti metsümeshidakji Imkongliba Memorial District Hospital (IMDH), Marepkong ward, Imkongmeren Sports Complex aser Fazl Ali College nung yanglutsü.
Tongti tesemdanger o jembidang Bendangnukshi Longkumer-i, Mokokchung nung lokti metsümeshidak yanglutsübaji jila nüburtemi kanga nüngdaka aliba ka ataloktsüogo, ta ashi,
Paisa sensotem dang, lokti nung temelenshi bener arutsü atema lokti kiojentem anepalua wazüka ayutsüla, ta ashi.
Mokokchung Chamber of Commerce and Industries (MMC) Advisor ka ama Bendangnukshi-isa Regional Chief HUDCO L.M Yanthan dang, Mokokchung jila ya tiyongtsü ka nung lir, anungji Mokokchung jila den tanga districts- Longleng, Tuensang aser Zunebhoto leni khu abenba truck tem atema parking zone ka nüngdaker, ta metetdaktsü.
Kasa sentong nung Regional Chief, HUDCO, L.M Yanthan aser Dr. Medem MS. IMDH natia jembi aser Superintendent MMC, O. Pangjung-i anküp o jembia liasü.
Iba sentong ya ADC & Administrator MMC, Bendanglila lenisüba nung agi.