16MP selfie camera aketba Gionee A1 sayaogo

March 21, 2017 (Agencies): Gionee ajanga selfie noksa agitsü tongtipang süa yangluba Gionee A1 India nung Mongulbarnü sayaogo.
Gionee A1 smartphone indang tejaklen aliba camera ya 16-megapixel lir. Iba phone ya Barcelona nung February ita Mobile World Congress (MWC) 2017 aliba mapang sayua liasü. India nung iba phone alitsü asoshi March 31 nungi tenzüka ‘pre-order’ asütsü akoktsü.
MWC 2017 nung Gionee ajanga A1 aser A1 Plus smartphone tem sayua liasü saka India nung tang asoshi A1 kisüng angutsü.
Gionee A1 smartphone indang battery tashi ya 4010mAh lir aser ‘ultrafast-charging’ ajanga ghonda ana nung battery süngdaktsür.
Iba smartphone nung tesülen aliba camera ya 13-megapixel lir. Iba phone nung Android 7.0 Nougat aser Gionee indang Amigo 4.0 OS lir.
Gionee A1 nung ya SIM ana amshiteter aser 5.5-inch full-HD in-cell (1080×1920 pixels) display keta lir. Iba phone processor ya MediaTek MT6755 lir.
A1 tejaklen camera nung fixed-focus, f/2.0 aperture aser flash keta lir.