P.B Acharya-i Raj Bhavan Health Centre lapoktsü

Dimapur, March 21 (TYO) : March 20, 2017 nü Nagaland Governor, PB Acharya-i Raj Bhavan, Kohima nung Raj Bhavan Health Centre lapoktsüogo.
Raj Bhavan nung Health Centre lapoktsüba atema P.B Acharya-i Health & Family Welfare Minister aser Department nung ketdangsertem aser staff dang pelaba metetdaktsü.
Linük nung aliba Raj Bhavan timba ka nung Health Centre lapoka lir aser iba centre nung Raj Bhavan staff tem dang masü saka anameta aliba tesemtem nungi nisungtem yarir. Anungji, Kohima nung lapokba Raj Bhavan Health Centre-ia iba yimya tajung ajizüka benshitsü imlar, ta paisa metetdaktsü.
P.B Acharya-isa doctor on duty ji teti alitsüla aser bendanga agüja nüburtem tenzüktsüla ta shisem.
Commissioner & Secretary to Governor, Piyush Goyal, IAS-ia o jembidang Raj Bavan nung ketdangsertem aser Staff den Health & Family Welfare Department dang Raj Bavan Health Centre takok ngua lapokba atema pelaba metetdaktsü.
March 14, 2017 nü iba atema senden ka amen aser hopta ka majungdang Health Centre lapoktetba atema kanga pelar. Nagaland nung iba ama mapa tekara inyaktsüla, ta Piyush Goyal-isa shisem.
Sentong nung Health & Family Welfare Minister, P Longon aser H&FW Department nungi Principal Director, Dr. Watikala-i anir Commissioner & Secretary, H&FW, Abhijit Sinha, IAS aser ketdangsertem aser staff ajak aden.