Red iPhone 7, iPhone 7 Plus India nung April nungi angutsü

March 22, 2017 (Agencies): Apple company-i RED den sentepa shilem ka ama Red iPhone 7 aser iPhone 7 Plus sayaogo. Iba sayaba ya Africa, sub-Saharan nung HIV/AIDS sentongtem atema sen bushiba sentong ka lir. Red iPhone 7 aser iPhone 7 Plus Hokolbarnü nungi tenzüka alima linük 40 nung ‘retail stores’ aser ‘online channel’ tem nung angutsü.
Red edition iPhone 7 aser iPhone 7 Plus ‘aluminium’ temerem agi yanglua lir. India nung iba phone 128GB aser 256GB model-tem jenjang 82,000 nungi tenzüka Apple phone-tem ayoktsü temelaba ngur aliba store-tem nung angutsü.
Iba ‘special edition’ iPhone 7 aser iPhone 7 Plus, 128GB aser 256GB version-tem March 24 nungi tenzüka sen $749 yong angutsü.
Apple company yakta nungi ‘RED programme’ nung shilem agia arudar, saka parnoki phone sentsü temerem nung sayaba ya tang mezüng asütsü. Apple indang tanga osettem sentsü temerem nung Beats products, iPhone accessories, Apple Watch, iPad aser iPod Nano angutsü.
“Red den longjemer inyaka aruba nung sentsü tenüng nung sentsü temerem nung adokba ‘special edition iPhone’ ya tang tashi nung onok nungi tenla tulutiba asütsü. Onoki iba phone costumer ket nung agütsütsü asoshi matateter,” ta Apple CEO Tim Cook-i ashi.
“Phone model anaprongla Hokolbar, March 24 nungi tenzüka alima ajunga nung angutsü aser March ita tatemi costumer nem US aser linük 40 tashi nung costumer nem agütsü tenzüktsü. Item linüktem rongnung Australia, Belgium, Canada, China, France, Germany, Hong Kong, Italy, Japan, Mexico, Netherlands, New Zealand, Russia, Singapore, South Korea, Spain, Sweden, Switzerland, Taiwan, Thailand, the UK aser United Arab Emirates nung angutsü. Brazil, Chile, Colombia, India, Turkey aser tanga linüktem nung April ita nungi angutsü,” ta company sangdong ka ajanga metetdaktsü.
Ajisüaka iba phone nung jenjang kwi yong ayoktsüar tang tashi ketdangsertem nungi osang tejangja mali.