Jail nung ketdangser kati sübokrem agiba atema apu

Guwahati, March 22 (Agencies): Assam Police, anti-corruption aser vigilance wing-i Hombarnü Morigaon district jail nung ketdangser kati sübokrem agiba atema puogo.
Police sobutsü nung masü saka tanga sübutsü semer police-i Barua contractor ka ket nungi sübokrem agizüka lia apu. Iba contractor yagi sorochiokdang amshiba osettem jail nung agütsür. “Barua-i bill tem aodoktsü asoshi contractor Manash Nath dang sübokrem meshi. Nath-i pa nem sen 10,000 amoktsütsü lia apu.
Contractor-i ashiba agi, jail nung ketdangseri mapang talangka pa meinperonga liasü, saka Barua-i ashiba agi, Nath-i pa nem iba sen pelaba temaitsü agütsü.