Sri Lankan Navy-i India nunger angopur 16 apu

Colombo, March 23 (Agencies) : India nunger angopur parnok nisung 16-i tzü arrtsü ajanga ia ango apuba ajanga Sri Lankan Navy temi pua lir.
Tajemba agi parnok nisung 16 ya Bodhbarnü tesem anasülen nungi pua ayu, ta Sri Lanka Navy temi ashiba osangbenertemi ashi.
Analathivu asetkong anüdoklentip tsütsü anüolen aliba tzü nung parnok ket nungi ango apudang amshiba zütsük ana dena pua ayu, ta ketdangsertemi sangodng ka ajnga metetdaktsü.
Sri Lanka Fisheries Minister Mahinda Amaraweera-i, India nunger angopurtemi linük ana tsüngda tzü arrtsü ajanga aita ango apuba manen nungbo ano maneni pua ayutsü, ta ashi.
Amaraweera-i, India aser Pakistan na tsüngda ango apuba tsütsü mangatettep aliba ken o tem tangatetba tajung agi bentettsü aser iba maparenji taruba ita nungi tenzüktsü, ta metetdaktsü.
Tan ita tetenzüklen Tamil Nadu nunger angopur ka khasetba Sri Lanka Navy dak tai tonglokja lir, ajisüaka Colombo-i par Navy tem iba tatalokba nung kecha shilem mali ta ashir.