Bihar sorkari kaketshirtemnem WiFi angati agütsütsü

March 23, 2017 (Agencies): Bihar sorkari Bodhbarnü colleges aser university tem nung WiFi angati agütsütsü asoshi sentong ka tenzükogo.
Bihar Divas amongba mapang Chief Minister Nitish Kumar-i kaketshirtem atema WiFi angati agütsütsüba sentong amenlok liasü.
Pai ashiba agi, college aser university campus tem nung WiFi angati agütsütsüba sentong ya Bihar nung ‘governance’ ajungkettsü asoshi Grand Alliance government-i telemtetba agiba rongnung 7buba lir. “Wi-Fi angati agütsüba sentong ya, lanurtem libaliro tejakleni odaktsütsü asoshi aser ‘digital smart’ kümdaktsütsü nükjidong nung amenlok,” ta Chief Minister-isa ashi.
Paisa ashiba agi, ‘Internet’ ya taküm nung shilem ka kümogo.
“Lanurtem talisa kaketshirtemi iba ‘facility’ film tem download asüba nung masü saka kaket balala download asüba nung amshitsüla,” ta Nitish Kumar-i shisem.