Dimapur nung ki 35 den dokan 5 rongdok

Dimapur, March 23 (TYO) : Brihostibar nikongtsütsü 12:50 ako meta Dimapur kübok Khermahal kiyong nung kitsükkirong lendong tulu ka ataloka, kibong 34 shi talidak maka kümogo.
Iba lendong nung nisung asüba mesüra yiruyibongba osangbo kecha mali.
Gondha ka dak tali kirong lendong nung ki 35 aser dokan 5 rongdok. Miji electrical short circuit ajanga adok asütsü ama temulung melemi bilemer, ta Fire station osang ka ajanga metetdaktsü.
Tanü Dimapur Fire station aser CRPF nungi mi ensepba garitem bener arua miji azüokteta ensep aser district administration ketdangsertemia tesem tonga oa osang metetpelaogo.