ICC nung Shashank Manohar mendenbuba maneni inyaktsü

Dharamsala, March 24 (Agencies): International Cricket Council (ICC) nung mendenbuba inyaka aliba mapa nungi alutsü asoshi, Shashank Manohar-i tezüluba agüja aliba agienogo.
India, Australia aser England nungi ICC nung tashi kanga amshiba tajemba akümtsü asoshi temelenshi maparen inyakba mapang ka nung Manohar-i March tetenzüklen mapa toktsütsü asoshi tezüluba agüja liasü.
ICC nung tang maparen tasen aser temelenshi bener aruba reprangshiyimtsü asoshi ICC nung ketdangsürtemi Manohar dang asüngdangba sülen pai tezüluba agüja aliba ya agien.
Manohar ya ICC nung mendenbuba küm ana inyaktsü lia India aser tanga linük tsüngda mangatettep kar adokba ajanga pai ita ti buba nung mapa nungi anentsü tezüluba agüja liasü.