iPhone 8 taküm sayatsü akok

New Delhi, March 25 (Agencies): iPhone model asem taküm sayatsüba olulu jembidar. Osang ajanga ashiba agi, iba model asemji iPhone 7s, iPhone 7s Plus, aser iPhone 8 asütsü.
Osang ajanga ashiba agi iPhone 8 ishika September nung sayatsü akok, aser küm tatemi iba phone talila yanglusemtsü imlar.
“Supplier temi taruba iPhone 8 sayatsü aliba indang tajung dang jembidar, kechiyong item phone tasentem ASPs timbaden yangluba yimya tanga dang nung balaka lir. Iba phone asemprongla nung ‘wireless charging’ feature densema alitsü ta imlar, aser September ita atakzüka aliba ama sayatsü. iPhone Pro timba ka küm tatemlen ang angutsü,” ta MacRumors-i ashi.