Nokia Android Phone-tem Us nung angutsü

March 25, 2017 (agencies): Finland nung company Nokia ajanga Mobile World Congress (MWC) nung Android-based phone — Nokia 6, Nokia 5 aser Nokia 3 yanglutsü asoshi sangdonga liasü. Parnoki tawa item phone-tem taküm küm tsüngda US nung angütsü, ta jangjatsüogo.
“Onoki alima ajunga nung iba phone sayatsü asoshi renema lir. Phone indang tejaegja osang angutsü asoshi http://Nokia.com/phones nung züngsemang,” ta Nokia Mobile Twitter account ajanga metetdaktsü.
Nokia 6 nung 5.5-inch full-HD screen, Qualcomm Snapdragon 430, Qualcomm Adreno 505 graphics processor keter angutsü. Iba phone matte black, silver, tempered blue aser copper sentsü nung angutsü.
Nokia 5 nung Corning Gorilla Glass dena 5.2-inch IPS HD display keta angutsü.
Nokia 3 phone yangluba nükjidongji feature phone-tem melena smartphone amshidaktsütsü asoshi lir.
Nokia smartphone tasentem nung Android Nougat aser Google Assistant densema angutsü.