Lucknow nung shi ayokertemi lungkak aiter

Lucknow, March 25 (Agencies) : Uttar Pradesh sorkari ozüng alema shi alepertem anema mapa inyaktsü tenzükba atema shi ayokertemi mpang telatet makai lungkak aittsü tenzükogo.
“Napongshi aser anshi ayokertemi dokantem shibangogo. Hombar nungi lungkak aitba sentong tuluba nung agitsü” ta Lucknow Bakra Gosht Vypar Mandal züngsem Mubeen Qureshi-i tanü osangbener dang ashi.
Sorkari shi alepertem anema mapa inyakba ajanga nisung lakh aika timtemer, ta Qureshi-isa ashi.
Lungkak aita sentong nung ango ayokertema adentsü akok. Aditya Nath Yogi sorkari election nüboyimba nung nangzükba ama shi alepba tesemtem shibangtsütsü atema mapa inyaker, ta paisa shisem.
Ajisüaka, UP nung BJP lennir Mazhar Abbas-i shi ayokertem dang sorkari ozüng alema shi alepdak dang shibangtsütsü saka kulikaket alirtem dangbo kecha mashitsü ta metetdaktsüogo.