Tenarong angati tendang, hearing aids angati agütsü

Dimapur, March 26 (TYO) : March 25, 2017 nü Indoor Stadium, Medziphema Town nung NEIGRIHMS aser AYJNISHD Govt of India-i Medziphema Town Mechu Krotho (MTMK) den lokteper tenarong angati tendangba sülen ano nüngdakba purtem nem digital hearing aids-a angati lemtsüogo.
Iba tendangba mapang adhaar card alir tenarong nung timtem alirtem parnok nisung 484 tashi arua Government of India-i agütsüba teyari agia liasü.
AYJNISHD nungi Palash Dutta aru. Pa ya speech & hearing atema lecturer lir.
NEIGRIHMS nungi Dr. Brian-i anir Dr. Nyemwang, Dr. Dinesh aser Nirupam nunger aru.
MTMK Tir, Akhotsuo-i, Medziphema jila nung alirtem nem arua teyari agütsüba asoshi NEIGRIHMS aser AYJNISHD züngsemtem dang kanga pelar. Tarutsü mapangtem nunga nenoki inyakba ajak nung azükarusüangma, ta Medziphema nüburtem tenüng nung metetdaktsü.