DDCA-i ayonga U-19 cricket Tournament asayatsü

Dimapur, March 27 (Agencies): Dimapur District Cricket Association 2017 April ita Under-19 Cricket Tournament ka ayonga akatsü ta metetdaktsüogo. Iba dak sendakba nung DDCA-i Dimapur district nung aliba Higher Secondary Schools, Colleges aser Club tem tejangrar lira iba asayamung nung shilem agitsü asoshi metetdaktsüa liasü. Iba asayamung nungi Dimapur under 19 team asoshi asayar tajungtem shimtettsü.
Iba asayamung nung shilem agitsüpurtemji 01-09-1999 nung asoba mesüra iba sülen asortem dang asütsüla, kechiyong BCCI temzüng nung aliba ama asayartem teret tendangba aser küm tendangba yimya balalatem agitsü. Maneni asayartemi küm jangjatsü asoshi Birth Certificate, Matric Admit Card aser Aadhaar Card sayutsüla.
Iba asayamung nung shilem aginürtemi DDCA ketdangser Chuba Lotha (9862556500) aser Bil Mech (9856890822) na nungi April 1 tashi osang agiteptsü asoshi metetdaktsü.