Kohima nung ReadySetGo sentong agi

Kohima, March 27 (TYO): International Sports Coalition(ISC) kübok GethemGo Sports International(GSI) aser Sports Coalition of India(SCI) na longjemer, Northeast atema ReadySetGo sports ministry leadership training katsüogo.
Iba sentong Kohima, Perinuothou nung March 23 nungi 26 tashi kaa liasü. Iba sentong “Simplify to Multiply” omen nung ajemdaker aka. State 5 nungi lanur 35 den lenirtem arua iba sentong nung aden. Parnok nem tesayuba balala agütsüba den külemi global resources tem agütsü.
“Oang aser kin ajak nütsüng kümdakjang” ta asüba nükjidong nung ajemdaker parnok lenla balala nungi renemshir yok. Iba sentong nung Jonathan Sunil Moses, Dr. Livingston Philip, Koko Lamkang aser Dr. Viposa nungeri tongti shilem agi.