NESOA, ANSTA, GHSSEA-ia CANSSEA pusemer

Dimapur, March 27 (TYO) : Nagaland School Education Administrative Officers Association (NSEOA), All Nagaland School Teachers Association (ANSTA) aser Nagaland Government Higher Secondary Employees Association (GHSSEA) teloktemi CANSSEA-i ayongzükba lungkak aitba sentong pusema nungiter ta metetdaktsüogo.
Mapa meinyaki lungkak aitba sentong nung Directorate of School Education, DEO establishments, SDEO establishments, SSA aser RMSA temia shilem agitsü, ta NSEOA president, Y. Khetoshe Yepthomi, ANSTA president Ponchilo Wath aser NGHSSA president Kelhikha Kenye nungertemi külem sangdong ka nung ashi.
Ajisüaka, CANSSEA-i tuyuba ama, lungkak aitba mezüngbuba shilem nung school class aser tatidangtembo lungkak aitba nung medendaktsür, ta parnokisa ashi.
7th ROP onük atema state sorkar aser CANSSEA tsüngda tangatettep kati marura, taruba lungkak aitba shilem nungibo School Education department züngsem ajak adentsü, ta NESOA, ANSTA aser GHSSEA mendenpurtemisa metetdaktsü.