NABARD-i Mokokchung nung Farmers Club tenzüktsü

Mokokchung, March 29 (TYO): NABARD-i Care and Support Society (C&SS), Mokokchung den partner süa Mokokchung District nung Farmers Clubs pongu- Chakba, Salulamang, Satsukba, Medemyim aser Aopenzu yimtem nung tenzüktsüogo, aser item ya NStCB, Mokokchung aser Tuli Branch aser SBI Tsurangkong Branch-i nungittsü.
Item clubs tenzüktsüba den Base Level Orientation Training Program (BLOTP) nung jembidang DDM, NABARD, S. Amarjit Mangang-i yimtsüngtem nung Farmers Club alitsüji tongtibang, ta metetdaktsü.
Paisa yimtaklirtem aser Club züngsemtem dang, bank tem aser yimtsüngtem nungi clients tsüngda tesendaktep tashi itshitsü atema Farmers Clubs ya tenteter, ta metetdaktsü.
Pai yimtaklirtem dang, iba sabang ya ajanga parnoki bank tem aser sorkar department tem dang parnok tebilemtsü onüktem benoktettsü, iba den külemi bank temia iba sabang ajanga loan recovery aser business ulushitettsü, ta ashi.
Paisa club tem dang deposit asüba tsütsü bank tem yaritsü aser yimtsüngtem nung Kisan Credit Card (KCC) extension nung yaritsü ajungshi.
Maneni pai club tem dang yimtaklirtem atema bank tem den senteper Financial Literacy Camps akatsü aser Medical Camps katsütsü atema ayongzük.
Iba sentong nungsa Branch Managers-i Farmer Clubs züngsemtem dang yimtsüng atema banks aser aluyimertem tsüngda apu latsür ka ama inyaktsü ajungshiba den külemi account lapoktsü aser loan agiba sentsüh aotsü maparen nung bank tem den yarittsü ajungshi.
Bank temia KCC ajanga aluyimertem nem sen apotsütsü melunga lir, ta metetdaktsü.