4buba 10 Northern Angami-I T20 Bash tenzükogo

Kohima, March 28 (TYO): 4 buba 10 Northern Angami-I T20 Bash Brotherhood Group-i ayonga tanü nungi KVC Ground, Ziekezou Kohima yimdak tenzükogo.
Iba asayamong ya State Lotteries and Music Task Force Parliamentary Secretary, Khriehu Liezietsu-i sponsor asür.
Iba sentong nung Kohima Deputy Commissioner, Rajesh Soudararanjan tongti tesemdanger liasü.
Asayartem telok 16 iba asayamong nung shilem agitsü aser asayar teloktem ya Assembly Constituency sector ajak nungi lir.
Asayamong tetenzük asaya nung Lower Bayavü Giants puri High School Daredevils pur run 99 agi koka liasü. Toss koka Lower Bayavü Giants puri tama bat asütsü asoshi shimtet. Parnoki over 20 nung wicket 3 out sür run 172 yanglu. Parnok rongnung Tapitu-i run 89 yanglu aser Imomenbai run 36 yanglu. High School Daredevils bowler rongnungi Ino-i wicket 2 agia liasü. Daredevils puri run arshiba nung run 73 dang yanglur parnok ajak out süadok.
Parnok rongnungi Santsuthung-i run 25 yanglua par telok nungi pai timtiba yanglua liasü. Lower Bayavü Giants bowler Alam aser Thungchamo nati wicket asem sem agia liasü.
Tapitu-i man of the match ngua liasü.
Tanü tanabuba asaya nung Zienuobadze High Flyers puri Kenuozou Wolves wicket 8 agi koka liasü. Toss akokba sülen Keneizou Wolves puri mezüng bat asütsü asoshi shimtet. Parnoki over 20 nung wicket 10 out sür run111 yanglua liasü. Jabu aser Mhajan natpronglai run metsürtenet net yanglu. Zienuobadze telok nung bowler Tali aser Alo nati wicket anana agia liasü.
Run arshiba nung Zienuobadze puri kecha timtem melei over 11.4 nung wicket 2 dang togur iba asaya koka liasü. Iba asaya nung Asoba nem man of the match sempet agütsü.

March 30 atema asaya yamai alitsü:
Lower L. Khel Vikings vs Upper L. Khel Riders @ 7am
Chedema Strikers vs North Block Warriors @ 10am