Assembly nung Hepong Phom bilemtet

Kohima, March 29 (TYO): March 30, 2017 anepdang Assembly nung NLA Speaker-i ayonga taoba IBM asür, Hepong Phom bilemteta akhüm agutsü.
Interim body züngsem ka ama 1960’s mapang Hepong Phom-i 1961-1963 tashi Nagaland state tenzüka liasü.
Pa tasütait aser shisataka den külemi nendaka inyaker ka liasü aser Nagaland state tentetba nung pai anibelem arema shilem agia liasü.
Pa asüba ajanga state atema tongtibang lenir ka makai kümogo, ta Speaker-i ashi.
Pa nem akhüm agütsüba temaitsü senden nung minute ana mokrema liasü.