Gari anir kati copper tonne 4,300 auyar lia apu

Milan, March 31 (Agencies) : Hokolbarnü Italy anüdolentip tsütsü van gari anishir kati pai aniba gari sünga copper wire tonne 4,300 auya bener oyaa lia police temi apu.
Arishi küm 46 tain, gari anisang ya Milan kübok Cerro Maggiore tesem nung apu. Police temi pai aniba gari nungji khu talila abenba reprangteta gari mita reprang.
Pai bena aliba copper ji sen euro 15,000 alang lir, ta police-i ashi.