‘Hoverboards’ mechi Jennifer Lopez anema ken o benok

March 31, 2017 : Hoverboard yangluba company kati actress aser kentener Jennifer Lopez amena ken o benoka lir. Lai Instagram aser Twitter nung iba company-i yanglutetba hoverboard tem majungkettsüba mechi la anema iba ken o benok.
2015 küm tatemlen lai hoverbord kanga sapuba mapang ka nung item oset ajungkettsütsü asoshi tenangzüktepba ka nung sign asü.
Sidekick Grou-i Planet Hollywood, Las Vegas nung hoverboards 42 tashi amshitsü agütsü, ta parnoki benokba ken o nungji shia lir.
May 26, 2016 küm Lopez-i “Love Don’t Cost a Thing” ken atenba mapang la atema ken nung tsüngsangtsürtemi item hoverboard ma nung shilem agiba video ka Twitter nung post süogo.
Kü tsüngsangertemi talongtsü nung kanga junga shilem agiogo,” ta lai iba video den külemi ozülua zülur post asü.
Aji oda süaka, iba tenangzüktepba kübok Lopez-i iba oset atema ya Twitter aser Instagram naprong nung ita asem shia khen khenbosa post asütsü keta lir.
Hoverboard ya ka nung sen dollar 1,295 agi ayoker. Lai nangzükba meinyakba atema company-i la dang temonok sen dollar 54,390 mesüra hoverboards 42 retail jenjang alang sen meshir.