Demi Lovato-i Los Angeles nung tanur indang mozüki ka semdang

Los Angeles, March 31 (Agencies): Demi Lovato-i Los Angeles nung tanur anepaluba mozüki ka Brehostibarnü semdang.
Arishi küm 24 tain kentener, Lovato-i Los Angeles, California nung tanurtem tashidak tulu agi tonger aliba anepaluba mozüki ya semdangba mapang iba mozüki nung aliba tanurtem ajunga aoksa aser süngmangtep.
‘Smurfs: The Lost Village’ nung Smurfette indang o ya Demi Lovato-i jembitsü lir.
Iba mozüki nung aliba tanurtem peladaktsütsü asoshi ‘Smurfette’ mesüka sobutsü sobur nisung ka aruba ajanga tanurtem kanga pelatep, saka ‘Cool For The Summer’ ken atenla mozüki kishi lapoka aitba mapang tanurtem tali süngmangtepa pelatep.
Iba mozüki nung ketdangsertemi social media balala nung lai semdangba noksatem ya lemsatep.