Dimapur, Kohima aser Mokokchung nung Vodafone 4G amenlokogo

Dimapur, March 31 (TYO): Vodafone indang 4G service ya Manipur nung amenlokba sülen iab Vodafone SuperNet 4G ya North East nung jila 248 aser yimtsüng 1300 nung amenlokogo aser maneni iba service ya amenlokyonga aotsü, ta company ajanga sangdong ka nung ashi.
“North East ya Vodafone India asoshi shishilempadak tesem tongtipang rongnung ka lir. Assam aser North East nung jila 248 aser yimtsüng 1300 dak tali nung 4G service amenloktetbaba asoshi onok kanga pelar. Costumer temi jangraba aser aginüba ama onoki iba service tajungtiba agütsütsü meranger. Iba service ajanga data tekeraba aser tesem ajunga ayimjema agütsütsü asoshi onoki maneni inyaktsü,” ta Vodafone India, Assam & North East nung Business Head, Nidhi Lauria-i ashi.
Vodafone SuperNet 4G ya Assam nung Guwahati, Silchar, Dibrugarh, Jorhat, Tinsukia, Tezpur, Bongaigaon, Sivasagar, Nagaon, North Lakhimpur, Golaghat, Goalpara, Nalbari, Dhubri, Kokrajhar, Hojai, Barpeta, Lumding aser Duliajan tesemtem nung angur. Meghalaya nung Shillong, Tura aser Jowai tesemtem nung angur.
Nagaland nung Vodafone SuperNet 4G ya Kohima, Dimapur aser Mokokchung nung angur.
Arunachal Pradesh nung iba service ya Itanagar, Tawang, Naharlagun, Ziro, Along aser Pasighat tesemtem nung angur. Mizoram nunga iba service ya Aizawl aser Lunglei nung angur aser Manipur nung iba service ya Imphal tesem nung angur.
Item tongtipang jilatem dak alaka Vodafone SuperNet 4G ya jila aser yimtsüng tenesdaktep balala nung angur.
Vodafone indang 4G service ya North East tesemtem nung kanga kara renloka aoba mapang ka lir aser iba ajanga costumer talu temolung südakja amshitsü. North East nung Vodafone superNet 4G service ya ‘fibre’ ajanga agütsür aser iba ajanga service jenjang tajungba nung angur.
Vodafone ajanga 4G indang SIM angati agütsür aser 4G amshitetba phone atema anogo 10 asoshi 2GB data angati agütsür.
Costumer temi Vodafone Store, Vodafone Mini Store aser shishilembadak tesem balala nungi 4G SIM ‘upgrade’ asütsü akoktsü.