4buba 10 Northern Angami-I T20 Bash: D. Khel United, Mission Dukes aser P Khel Eagles teloktemi akok

Kohima, March 31 (TYO) : Brotherhood Group-i ayongba aser Parliamentary Secretary for State Lotteries and Music Task Force, Khriehu Liezietsu-i senotsü teyari agüja tang KVC Ground, Ziekezou Kohima yimtak tasayadak aliba 4buba, 10 Northern Angami-I T20 Bash league asayamung nung tanü D. Khel United, Mission Dukes aser P Khel Eagles teloktemi pei den asayaba teloktem kokogo.
Tzünglu agi asaya jangjungba ajanga yashi asayatem thinen aser tanü asaya asemprong overs ajemer asayadaktsü.
Mezüng asaya nung D Khel United teloki wicket 7 agi T Khel Knights madak takok angu. Iba asaya tenzükdang D Khel United-i toss akok aser parnoki mezüng field asütsü shimteter asayadang parnoki T Khel Knights pur nem over 12 nung runs 56/6 ang yangludaktsü. T Khel Knights nungi Abeizo-i runs 29 yanglubaji timba liasü. Iba asaya nung D Khel United nungi bowler Vikho-i wicket ana agi.
D Khel United bat asüba mapang parnoki 10.3 over nung wicket asem tugur lia runs 56 ji alema yanglu. Par telok nungi James-i runs 29 yanglubaji timba liasü aser pa sülen Nungsangbai runs 16 (not out) yanglu. Iba asaya nung James-i man of the match sempet angu.
Tanabuba asaya nung Rokabozou/Sepfuzou Challengers teloki toss akokba sülen mezüng bat asütsü shimteter asayadang parnoki 115/3 yanglua yutsü. Par telok nungi Azenlo aser Yanpang nati runs 31 aser 24 yanglu. Mission Dukes-i iba runs ji wicket 4 out sür lia ajatet. Par telok nungi Viketho-i runs tyimba yanglua liasü. Pai runs 66 (not out) yangluba ajanga man of the match sempet angu.
Hokolbarnü tatembangba asaya nung P. Khel Eagles teloki wicket 6 agi Peraciezie Royals telok madak takok angu.
Peraciezie Royals teloki toss akokba sülen mezüng bat asütsü shimtet aser runs 85 yanglutet. Par telok nungi Lhumegolie-i runs 17 yanglubaji timba liasü.
P Khel teloki over 11.2 buba nung wicket 4 tugur lia runs 85 ji ajateta tua tanü takok angu. Par telok nungi Moni aser Ruokuobeilie nati 24 aser 21 runs yanglu.
Iba asaya nung Moni-i runs timba yangluba den ano wicket-a ka agiba ajanga pa nem man o the match sempet agütsü.
April 1, 2017 nü asayats?pur yamai alitsü:
1. Kenouzou Wolves vs Lower Bayavü Giants @ 7am
2. High School Daredevils vs Zienuobadze High Flyers @ 10am
3. Lower L. Khel Wikings bs Chedema Strikers @ 1pm