Manipur nung tzünglu sashia aruba ajanga nisung ana asü

Imphal, March 31 (Agencies): Manipur nung tzünglu sashia aruba ajanga nisung ana süogo, ta Hokolbarnü police-i ashi.
Brihostibar aonung Jiribam nung arishi küm 45 tain, Nilakanta Das tsüngi agi aiset, aser Tamenglong district nung truck ka lishi nung ajudoker tsükokba lendong nung nisung ka asü, ta police-isa ashi.
Ano maneni taruba ghonda 24 tzünglu sashia arutsü iba den külemi mopung tesashi aontsü, ta weather office ajanga metetdaktsüogo.
Tesüiba anogo asemnü tashi northeast India tesem nung tzünglu kanga sashia arudar.
Osang angazükba agi, state kübok yimtsüngtem nung tzünglu ajanga aonsotsü aika raksatsüogo.
Tzünglu ajangasa tayimtsü aika thinen mesüra menor apusoa liasü. Iba den külemi nija bus tem senzübaa anenogo.