Papua nung alirtemi tayimtsü tsüoka aliba nguogo

Papua, August 16 (Agencies): Indonesia anüdoklen aliba Papua nung aliba nüburtemi, Deobar nü nisung 54 mener samaba tayimtsüji par yimtak anasa tsüoka lir ta osang angutsüba, ketdangsertemi metetdaktsüogo.
“Iba tayimtsü tsüoka alibaji yimtaklirtemi angu. Yangji alirtemi ashiba agi, iba tayimtsü ya tenem ka nung oa tsüok. Iba tatalokba nung bushisüngdang maparen tenzükogo,” ta transport ministry nung director?-general of air transportation, Suprasetyo-i ashi.
Iba Trigana Air plane ya Jayapura yimti nungi yimtsüng kati aoerba Deobar anepdang nungi mongui bushitepa liasü.
ATR 42-300 turboprop tayimtsü nung ya tila tanur pongu dena parnok nisung 49 den tayimtsü anir aser teyaritepertem parnok pongu zünga nisung 54 mena liasü.