Sen 1,50,000 jenjang Ganja apu

Kohima, March 31 (TYO): Peducha check gate anüker Kohima Police-i garitem sota mita reprangdang gari ka (Tata Sumo Grand) registration number AS-04F-8981, Chassis No. 465012CRZ908892, Engine No. 22LDICOR07CRZJ06776 nung National Market nung sen 1,50,000 shi jenjang ganja seret 30 puogo, ta tanü Sub-Divisional Police Officer (South) & PRO Kohima, Nagaland, Atu Zumvü NPS-i sangdong ka nung metetdaktsü.
Iba dak sentakba nung Manipur, Senapati district kübok Chakumi yim nungi asür, Nokhre A. Neli’er jabaso arishi küm 55, Neli Mao pua police custody-i anir ao aser Sechü (Zubza) P.S nung pa anema ken o ka benokogo aser maneni bushisüngdangdar, ta sangdong nungsa shia lir.