Tuli & Ctn nung matamabensartem atema certification camp katsü

Mokokchung, April 1: April 1, 2017 nü Tuli aser Changtongya na nung matamabensartem atema certification camp ta sür sentong tajung ka ayongzüka katsüogo.
Iba camp ya Mokokchung Deputy Commissioner Sushil kumar Patel (IAS)-i achayanga tongtibangsa matamabensar shirnoksa “disability certificate” maka, parnok asoshi katsüba liasü.
Iba sentong nung Dr. Imkongliba Memorial District Hospital (IMDH), Mokokchung nungi Medical Superintendent (MS), Dr. Medemmayang den Dr. Sakuyoba, Dr. Chubasanen, Dr. Marsuden, Dr. Kilangwapang, Dr. Wobenthung, Dr. Keriseno aser Sanen parnoki iba camp nung shilem tajung agia matamabensartem anepalua liasü.
Tuli aser Changtongya na prongla senteper matamabensar 70 dak tali arua aden. Tuli aser Chantongya subdivision nung alir nüburtemi Mokokchung DC aser doctor-tem dang iba camp katsüba asoshi pelaba lemsatep.