Manipur nung Digi-Dhan Mela ayonga agi

Imphal, April 02 (Agencies): Shishilembartemi shidi sen mamshii shishilembaba ajungkettsütsü nükjidong nung Deobarnü India sorkari Imphal nung aliba City Convention Centre nung Digi-Dhan Mela sentong ka ayonga agiogo.
Iba sentong ajungkettsütsü atema RuPay, Aadhar enabled Payment system (AePS), Unified Payment Interface (UPI), Unstructured Supplementary Service Data (USSD), Immediate Payment Service (IMPS), e-wallet aser Point of Scale (POS) machine-a tenzükja liasü.
Iba sentong nung tetushi tejaokerji Minister of State for Home Affairs, Kiren Rijiju aser Minister of State for Railways, Rajen Gohain na liasü.
Yaküm December 25 nü sorkari scheme ana- Lucky Grahak Yojana (talirtem atema) aser Digi Dhan Vyapar Yojana (shishilembartem atema) tenzüktsü. Iba mapatong tesüsabuba anogo, April 14, 2017 nü New Delhi nung Ato kilonser, Narendra Modi-i mega draw takokertem nem sempet lema agutsütsü.