Mokokchung aser Tuensang nung IPPI (Polio) agutsü

Dimapur, April 02 (TYO): Mokokchung district nung IPPI tanabuba round March 2, 2017 nü Imlong Place, Mokokchung nung agutsüogo.
Iba sentong Pastor, Bendang Longkumer-i sarasadema tenzük aser tongti tesemdanger, M.Chaitanya Prasad IAS(P) Assistant Commissioner liasü, kong pai mezüngbuba polio drop agutsü.
Iba sentong nung jembidang pai health workers dang polio maliba zone akumtsü atema tajungtiba agi meranga inyaktsü ajungshi.
Dr. Temsuyanger DPO (RCH&UIP) leniba nung iba setong agi aser pai IPPI indang teratet metetdaktsü.
Tanü polio mejemtetertem nem April 3, 4, 2017 anogotem nung kibok sema agutsütsü. Mokokchung district nung ajak agi polio booths 209 liasü. Iba sentong nung Dr. S.S. Akaba Longchar CMO, Red cross, UNDP aser Rotary club züngsemtema liasü.
Ano Tuensang nunga tanü Tuensang District Health Society-i Pulse Polio tanabuba round IPPI agutsüogo.
Iba sentong Chief Medical Officer indang Urban Sub-Centre nung ayongzüka agi. Wt. S Alemla Nursing sister incharge-i sarasademba sülen Dr.T.Pangjung Sangtam CMO-i polio drops agutsü.
Sentong nungsa Dr.Temsu Longchar DPO,( RCH & UIP) aser Staff tema liasü.
District nung arishi küm 5 ser tekübok tanur parnok 27,552 shi nem polio agutsütsü atema department-i block tiprongla nung vaccine agutsür 12,50 aser Supervisors 46 lemzükja liasü.
Polio booths 267 aser house to house team 534-i district ayimjemtsü.
Iba sentong takok ngua inyaktetba atema Chief Medical officer, Tuensang-i tim departments aser nüburtem dang amalitepa inyakba atema pelaba lemsatep.