Samsung-i alima nung ‘hard drive’ tulutiba sayaogo

New Delhi, August 16 (Agencies): Samsung-i 16 terabytes (TB) ‘hard drive’ ka sayaogo aser iba ya alima nung tulutiba asütsü akok.
PM1633a indang tasazükji 2.5-inch lir aser 15.36 TB storage keta lir. Tang tashi nung Seagate aser Western Digital nati yangluba hard drive tulutemji 8 nungi 10 TB storage dang lir.
Samsung-i 256 bit (32 GB) NAND flash die tasenba ajanga iba hard drive ya yanglutetogo aser iba flash die ya 128 bit NAND dies nungi anaben agi tuluba lir, ta PC Magazine ajanga metetdaktsü.
Parnoki die ka nung 3-bits-per-cell (TLC) 3D V-NAND layer 48 enoktet aser ibaji 2013 küm layer 24 aser 2014 küm layer 36 enokba dang nungi timba lir, PC Magazine-isa ashi.
Samsung hard drive nung NAND flash chips tasen 480 nungi 500 shi amshir. Iba hard drive indang jenjang ano tema nung memetetdaktsü saka $7000 shi asütsü imlar, ta PC Magazine-isa metetdaktsü.