Johanna Konta-i Miami WTA title benogo

Miami, April 2 (Agencies) : Miami Open final asaya nung Johanna Konta-i 6-4, 6-3 agi Caroline Wozniacki madak takok anguba ajanga küm 40 buba nung Britain tsüri iba ama tongtibang marok tan mezüngsüa angur Britian tsür la kümogo.
Konta kodanga WTA marok tulu ka danga bendanga mali. Lai tan iba takok anguba ajanga world ranking tenetbula kümogo.
Sydney nung asola arishi küm 25 tain, Konta-i semi-final asaya nung Venus Williams tsükdaktsü aser final asaya nunga kanga junga asayatet. Ajisüaka Wozniacki-ia junga asayaba ajanga tena kanga nreak sütepa asayaba sülen tatemsa Konta-i iba game ji 6-4 agi akok.
Tanabuba game-a mezüng game ama asayaa liasü, ajsüaka Konta-i break süa la 4-3 aküm.
Iba sülen la dak mulunglem ka aru aser lai manenei Wozniacki-i aoba service break süja iba takok angu.
1977 küm Britain tsür Virginia Wade-i Wimbledon nung takok anguba sülen Britain tsüri takok tuluba angubaji ibai lir.
Miami asayamung atema Konta tan agi tanabenbuba ang asayar lir.
Taküm küm asoshi Wozniacki atemabo ibai final asaya tasembuba liasü aser lai Dubai o Doha final asayatem nung tamakok anguba sülen tan ya dena tamakok asemben buba angur asütsü.
“Tan tasembuba final asayabo akoktsü imlaa liasü, ajisüka makok anungji pezübuba nungjibo akoktsü imla atadi,” ta Wozniacki-i asaya temer külen ashi.