DDBA ketdangpur tasen shimogo

Dimapur, April 2 (TYO) : Dimapur District Badminton Association (DDBA)-i 2017 nungi 2021 kümsük atema ketdangpur tasentem shimogo. Item ketdangser tasentemji parnok lokti senden aser ketdangpur tasen shimtsü election sentong Deobarnü DDBA Indoor stadium, Dimapur nung akadang shim, ta DDBA sangdong ka ajanga metetdaktsü.
Tanü shimba ketdangser tasen tasenpur rongnung Tir Vikugha Chophi, Tatong Tir, Tali Akang, Ttongti Tezülur Dr. Molusen, Senyur, Alem Pongen, Info & publicity Tezülur, Asungba Ao aser Ichetba o Alongba na Tatong Tezülurtem lir. Executive züngsem nisung 13 den ano advisor-a 6 shimokogo, ta kasa sangdong ajanga metetdaktsü.
Tanü iba senden akadang executive züngsemtemi Tongti tezülur, senyur, küm piyong inyakba osang, DDBA temzüng ozüng aser DDBA den club tasen adenba osangtem agizüka ayu.
Club nung züngsem tejangja ajak dang nungi züngsem saru sen 2000 sarutsü senden nung lemtet.
Sangdong nung ashiba agi, May 2017 nung Nagaland Badminton Association kübok DDBA-i ayonga asayatsü aliba North East Masters asayamung indanga senden nung jembia liasü.
Tanü Tir mapa nungi anisüngzüksang Dr. Watizulu-i DDBA züngsemtemi club takok angutsü mechi nung pa nungitba aser pa den amalitepa inyakba atema kanga pelaba lemsatep.
Paisa, district nungi asayartemi takok ngua konang nüngsang bener arutsüba atema pelar aser tenüngsang agütsür, ta ashi.