Kim Kardashian aser lar aianutemi joko TV nung shilem magitsü

August 16, 2015: Arishi küm 34 tain, reality TV sentong nung shilem agir, Kim Kardashian aser kinüngbo Kanye West na den aianu Khloé Kardashian aser Kylie Jenner nunger tarutsü atema pei pei sentong yangluba sülen, tetsü, manager Kris Jenner dang joko TV sentong nung shilem magitsü atema shiogo.
Osang ka ajanga ashiba agi, parnok pei mapa nung temulung bendanga agütsütsü lemtetogo.
Kim, Khloé aser Kylie nunger television nung joko shilem maginer masü saka parnok pei sentong balala aliba ajanga anenerba lir.
Tetsü Kris Jenner-i parnok dang ano mongpu kabosa shilem agiang ta mepishia liasü, ajisüaka parnoki menangzük.
Kim-i mapa tuluba ka nung sotakner, Khloé-a la kija taküm khen anepaluner aser Kylie-a tetong Tyga den senteper business inyakner.
“Lai asoba tanurtem kodaser lai agütsüba ita sen maginer’ar ibaji Kris-i angatetner,” ta Life & Style magazine dang osang kar ajanga ashi.
Parnok ajak pei tebilemba ka ka lir. Ajisüaka parnok aianu rongnung tantsüla, Kourtney Kardashian-ibo la Scott Disick den pilaba sülen TV nung shilem agiba ya la asoshi mapa tuluka amai bilemer.
“Kourtney bo kechaia aotsü sentong mali aser iba TV show ajanga la kija taküm nung aika atalokba süngjema kümdaktsütsü meranger,” ta osang ajangasa ashi.