April 6 nü Nagaland CM Ungmai arur

Mokokchung, April 5 (TYO): April 6 Brehostibarnü Nagaland Chief Minister Dr. Shürhozelie Liezietsü-i Senayangba GHSS Ungma nung ‘Science cum Administrative Building’ lapoktsüi arutsü, ta Senayangba GHSS Principal Lakhi Longkumeri sangdong ka ajanga metetdaktsüogo.
Senayangba GHSS ya 1972 küm Ungma Senso Mungdangi achayanga high school ka ama lapok. Aji sür, 1985 küm Govt-i iba school agi. 2002 küm higher secondary amenok. Iba school nung class 7 nungi 12 tashi lir aser yangi secondary level nung Science o Arts stream na agütsür.
Iba ki lapokba sentongji April 6 nü anepdang 10:30 nungi tenzüktsü, ta osang ajanga metetdaktsü.