Küm 10 tsüngda Meghalaya yimsüsür crorepati shilem 35 tashi ajungketogo

Shillong, April 04 (Agencies): Meghalaya nung yimten yimsüsübaren nung lenirtem indang rongsen asadangra, 2008 küm crorepati parnok 15 aliba 2013 tashi nungbo parnok 36 tashi kümogo.
www.myneta.info ajanga osang tejangja agütsüba agi, 2013 küm Assembly election nung takok angur lenir 36 (shilem 60) crorepati aser tanüngbatem lakhpati tem lir. Iba ajanga Meghalaya yimten yimsüsüba nung lenirtem rongsen nung tali renlokba sayur. 2008 Assembly election nungbo crorepati parnok 15 (shilem 25) dang liasü.
‘Data’ ajanga sayuba agi, küm 5 tsüngda nung yimten yimsüsürtem ‘lakhpati’ nungi ‘crorepati’ kümogo.
Meghalaya yimten yimsüsür rongnung takartibatem yamai alitsü:
Mezüngbuba nung taoba mapang nagmati shishilembaba nung alisang, Umroi constituency nungi Ngaitlang Dhar lir. 2013 tashi nung pa ket nung aliba rongsen ajak meyokteper sen 2,35,64,31,227 (crore 235) liasü.
2008 küm tashi nung chief minister Dr Mukul Sangma indang rongsen ajak meyokteper sen 3,43,24,199 (crore 3 dak tema) liasü, aser 2013 tashi nungbo pa rongsen sen 14, 50,77 833 (crore 14 dak tema) kümogo.