KSC, Jotsoma nung kitsükkirong lendong atalok

Dimapur, April 4 (TYO): Hombarnep züngia Kohima Science College Jotsoma nung kitsükkirong lendong ka atalokdang Chemistry aser Physics laboratory mitsü küma rongdokogo.
Miji komaser adokar ano kuli mangu lir saka electricity wire tejen ajanga adok südi ta temulung melemi bilemer. Iba lendong nung nisung asüba mesüra yiruyibongba osangbo kecha mali.
Science College Jotsoma nung Physics aser Chemistry indang tongti laboratory ana mitsü küma rongdokogo aser iba ajanga kaketshirtem tetsükdaktsü ajurutsü, kechiyong M.Sc, B.Sc honours, chemistry azüngertem asoshi lab anaji kanga tongtipang liasü.
Osang ka ajanga ashiba agi, tanep rongdokba kiojen aser osettemji sen crore 1 dak tema jenjang alang asütsü.
Angazükba agi, National Assessment Accreditation Council (NAAC) teloki Kohima Science College Jotsoma reprangshimtsü atema semdangtsüba sentong liasü.
Tanü Higher Education Parliamentary secretary, Deo Nukhu-ia tesem tonga oa semdang aser principal dang osettsüset akoksaba osang tejangja bushiteper state sorkar ket nung agütsütsü atema metetdaktsü.