Dimapur nung Aoleang monyu amung

Dimapur, April 4 (TYO) : Mongulbarnü Konyak Union Dimapur-i DDSC stadium nung Aoleang Monyu benjung ayongzüka amung.
Tanü tzünglu arua tsüngsang mejungaka, nisung aika pei sübotsü agir iba benjung nung kanga longsoa shilem agia liasü.
Iba sentong nung tongti tesemdangerji RD & REPA Minister, C L John liasü aser pai o jembidang ashiba agi, “Khristan yimsü aruba sülen benjungbentsü amungba yimya nunga temelenshi liasü aser tamangba yimsü tasen den liromedema amungtsü tenzük.”
Benjung amungdang asenoki chidiyongdiba nung temulung magütsütsüla saka asen sobaliba aser senmang wazüka ayutsü aser ajungkettsü atema temulung agüja amungtsüla, ta CL John-i ayongzük.
Iba benjungmung nung tetushi süa jaokerji Economic & Statistics, Parliamentary secretary, Tovihoto Ayemi liasü aser pai o jembidang, Aoleang benjung ajanga yimjung, aser tepela prokshitsü aser nübortem putepa alitsü atema ajungmesotsü moatsür, ta ashi.
Sentong nung Chingwang-i benjung teraret metetdaktsü aser Konyak Union Dimapur president T. Wocknyei Yanlen-i tesentepertem pela agizük.
Tanü Aoleang benjung nung Advisor to chief minister, Nuklutoshi Longkumer, Housing Parliamentary secretary, Er. Levi Rengma, DAN Chairman, Dr. Longrineken aser GPRN/NSCN president, Neokpao Konyak nungertem aden.