Tsiesema Basa, Kohima nung azü tenlaba camp kaogo

Kohima, April, 05 (TYO): Mongolbarnü Assam Rifle Unit hospital, Tsiesema Basa nung blood donation camp ka ayongzüka kaogo.
Iba camp ya Voluntary Blood Donor Association, Kohima den Kripa Foundation aser Blood Bank Naga Hospital Authority Kohima-i ayongzüka liasü.
Blood Bank tem nung azü agi anüngba nung ajemdaker Voluntary Blood Donor Association-i state nung azü tenlatsü atema nüburtem nem awareness agutsür.
Association-isa azü tenlaba ajanga tetenlar temang nung tajangzüktem indang sangdonger. Parnokisa azü tenlaba camp ayongzükba nung lokti tentet balala, clubs aser shisaliok rejutem dena yariteper.
Iba camp nung 9th Assam Rifles nungi sepai 25-i azü tenla agüja liasü.