Jharkhand, Kunti nung RSS lenir ka kahset

Khunti, August 16 (Agencies): Tanü Deobar nü Jharkhand Kunti district kübok Gudijora anasa mejangjatetba telungpurtemi RSS lenir ka kahsetogo, ta police ketdangser kati metetdaktsü.
Arishi küm 20 Karambeer Mahato ji motorcycle ka nung Gudijora yimtsüng nungi Belangi-i aoba mapang motorcycle ka nung nisung asem arur pa dak injang kahloktsü, ta Superintendent of Police, Anish Gupta-i ashi.
Iba ya sen akhangba mesüra tsükchitepba ajanga asütsü südi, ta ketdangserisa ashi.
Gudijora nung People’s Liberation Front of India (PLFI) telungpurtem kanga junga amenoka lir, ta osang angazüker.
RSS osang ajanga ashiba agi, Mahato ya RSS nung tongti inyaker ka lir aser District Organizing Secretary (Zila Vyavastha Sachiv) teinyaktak liasü, ta ashi.
Iba tatalokba anema yangji aliba nüburtemi tasümangji lenmang nung yur lenmang mokdangba ajanga Khunti-Ranchi Road nung ghonda aika gari mesenzüt.
Aibenlenertemji tekaraba nung aputsüla ta takhangba agüja nüburtem jagi lungkak aita liasü.