Nisung kati osangkaket nung advertisement ajanga balaba osang sangdong

April 05, 2017 (Agencies): Linük ajunga nung ‘triple talaq’ indang onük nung kanga atsütepa jembishinüba mapang Riyabh nung aliba nisung kati yimya kanga dang balaka nung kinungtsü balazüka toktsü.
Mohammed Mushtaquddin ya Saudi Arabia, Riyadh nung alir aser pai Hyderabad nung aliba kinungtsü osangkaket ‘advertisement’ ka ajanga kinungtsü balazüka toktsü.
Iba ‘advertisement’ okatsür Mohd Osman tenüng nung Urdu daily nung adok. Okatsüsangi ashiba agi, balatsüba osang la address nung yoka liasü saka address tai ta ser meyipasa aru.
Hyderabad nung alir nisüng kati triple talaq osang ‘post card’ ajanga yokba atema apuba sülen anogo ka lir iba osang aru.
Tetsürlai ashiba agi, Mushtaquddin la den küm ana tejakdang kibong aküm. Pa Riyadh nung private bank ka nung mapa inyaker. Kibong kümer ita 6 lir pai la Riyadh-i anir ao, kong jabaso ka aso, aji saka ita ana tejakdang pai la aser par jabaso na Hyderabad, Moghalpura nung lar tsürabur kidangi yokadok.
Pai la dang maneni osang magütsü tashi par tsürabur den majuruteptsü asoshi ashi.
“Pai ashiba anema ni par tsürabur semdang, iba sülen pai osangkaket nung advertisement ajanga balaba osang agütsü. Ni pa kü jakdang nokdaker ‘Shariat’ nung aliba ama ‘talaq’ sangdong daktsüner. Iba talaq ya shidak masü,” ta tetsürlai ashi.
Lai maneni Moghalpura police nem keno benoktsüba shisem.
Deputy Commissioner of Police (South Zone) V Satyanarayana-i ashiba agi iba ken o ano pa ket matong.