Chumukedima anasa gari lendong 2 atalok; Nisung 1 asü

Dimapur, April 5 (TYO): Bodhbar nikongdang 1:00 ako meta Chumukedima check post atongtsü kilometer 2 shi lia gari ka Chathe ayong nung tsüok.
Iba lendong nung tetsür ka tsükset aser nisung asem yirua lir.
Osang angazükba agi, gariji Peren nungi Dimapur-i arudang lenmang nung lung ka nung atsükba sülen ayongi tsüoka ai.
Tasülaji arishi küm 64 tain Alo liasü ta jangjaogo aser yirua alirtemji, Eranshi Zeliang (45), Leikieziu (51) aser Aseu (61) nungertem lir. Parnok rongnung ana Referral hospital nung aser ka nija mozüki ka nung anepaludar.
Ano, tanü tanga tatalokba ka nung Kohima len nungi Dimapur-i aluba gari ka Chumukedima nung ki ka nung tsüok.
Iba lendong nung ki den scooty ka raksaba dak alaka nisung yiruba mesüra asüba osang kecha mali.