MCCI membership sangdong

Dimapur, April 06 (TYO): Mokokchung jila kübok Mokokchung Chamber of Commerce & Industry (MCCI) züngsemtem membership fee, Trade Permits registration asüba mapang mesüra renew asüba mapang MMC ajanga sarutsü, ta tanü MMC ketdangpurtemi sangdong ka ajanga metetdaktsü.
Ano taküm nungibo regular mesüra temporary Trade Permit holder shia dang nungi saru sen 500 agitsü aser business grades nung joko telemsa malitsü, ta sangdong nung shia lir.
Züngsem ajak kasa temeten aser kasa khuret llir, anungji züngsem shia sarujia kasa agutsütsüla, ta parnokisa metetdaktsü.
Iba dak alia tejangrar züngsemtemi MCCI Members Welfare Fund atema tenla agutsünertemi tenlaji tekaraba nung agutsütsü mepishia metetdaktsür. Iba den külemi MCCI Members Welfare Fund ya MCCI züngsemtem atema dang lir, ta kasa sangdong ajangasa metetdaktsü.