Moayimti nung seminar ka kaogo

Dimapur, April 06 (TYO): Northeast tesem nung Agarwood (Sanchi) aluyimertem nem awareness agutsütsü atema All Sanchi (Agar) Growers Association of Assam (ASGAA)-i tesem nung ‘MISSION GREEN VILLAGE” lapoktsüogo, aser iba mission dak sentakba nung March 29, 2017 nü Mokokchung district kübok Moayimti yimdak tang mezüng awareness cum seminar sentong ka agiogo.
Anogo piyong ayongzükba sentong nung ASGAA teloki, agar growers group-i tesem nung inyakba mapatem atema tenüngsang aguja liasü.
Iba sentong nung Association nung Tir tasenba, Dr. Raj Kumar Ranjan Singh, Executive Tir, Jitendra Nath Borah, Eliho Angami, tatong Tir aser Dolly Asangla Gogoi nunger densema liasü.
Sentong nung jembidang Association nungi organizing secretary-i, alima tzümopung kümzükba den külemi iba süngdong tema iba nungi aluyimertem ajangzüktsü asoshi ajungshia liasü.
Organization general secy., Bikash Borah-isa, aluyimertem teyaritep ajanga tarutsü nungbo iba mapa yagi Northeast ajak ayimjemtsü, ta shisem.
Kasa sentong nung Village Council Chairman aser züngsemtemia shilem agi.
Aluyimertemi ajangshiba tebilemtsütem bentettsü atema kobi melii tim ketdangsertem nem temepishiba ka agutsütsü.