I-League: Chennai-i 2-0 agi Minerva akok

Ludhiana, April 8 (Agencies) : Honibarnü Guru Nanak Stadium nung I-League asayaka nung Chennai City FC nungi Michael Soosairaj aser Charles nati yokba goal tem ajanga Minerva Punjab FC madak 2-0 agi takok angu.
Goal anaji Soosairaj-i asaya tenzüker minute 41buba nung aser Charles-i asaya tanabuba tesadang nungsa yok.
Iba takok ajanga par telok 15 ben asayaba nungi point 16 nguteta jenjang tenetbubai tuogo.
Minerva telokbo 14ben asayaba nungi points 12 ang nguteta jenjang 9buba nung lua lir.
Telok anaprongi goal kata meyokteti asaya atemtsü akok ta repranga aliba mapang Chennai telok nungi Soosairaj-i mezüng goal ji agütsü. Pai iba goal ji kanga anasa nungi yokba ajanga Minerva goalkeeper Arnab Das Sharma-i nokdangtsü kanga tasak liasü.
Asaya tanabuba tesadang nung Minerva coach Surinder Singh tetuyuba nung Souvik Das-i Altamash Sayed melen aser David Ngaihte-i Kamalpreet Singh melena asaya.
Aji oda süaka kecha memelenshi kechiba süra Chennai nungi Charles-i asaya tatemtsü anasa ano goal ka yoksem.